متل ما قالو احنا بنقول يعني الشب هو ابونا واخونا وصاحبنا وجوزنا وحبيبناو تبع الدكانة وحتى احمد ورائد وسعيد وجاسم ومدحت وفهمي وطوني وجورج ومايكل وجيمس وفرانسوا كل هظول شباب وحتى ماري ولا لأ ماري بنت وهريدي ومهاوش وذياب عادي طبيعي كلهم شباب بس انا بما اني لفيت ورحت واجيت وشفت شباب باكتر من مكان وباكتر من بلد حبيت احكي عن اكثر عشرطاشر شغلة بكرها بالشباب واكيد بشكل عام عشان ما حدا يؤكلني ويفكرني بخصص شباب بلد معين المهم ... اه من الشباب وما ادراك مالشباب من الي شفتو يا اخواتي البنات الحلوين(...

يوم الجمعة الماضي كان يوم مميز، كان جاهة صاحبنا أحمد. والله من قبل يومين و احنا بلشانين، يعني عشان نحمله جميلة انه ساعدنا و وقفنا معه بيوم جاهته. المهم، اتفقنا مع تبع الصيوان، والكنافة والدي جي، والمصوراتي.... طبعا كالعادة هالأيام الشاب بيتفق و الحج الله يخليه لأولاده بيدفع اللي عليه، لا و مش بس هيك، الشاب بيكون محمل اهله 600 الف جميلة انه قبل يخطب، طبعا اهم اشي بالسولافة انه قعدنا 10 أيام نترجى عدنان الاهبل عشان نوخد سيارة ابو ال 350 عشان العريس يشخص قدام اهل العروس و يعرط شوي قدام قرايب...

  طبعاً انا اول ما شفت العاصفة خف عقلي وتمنيت انّي ما جبت سيرة القصص الطرمة تبع العصور القديمة. ولما قرّبوا منّي عرفت أنهم من الرومان، واوّل ما وصل الجيش الروماني لعندي عملت حالي مش شايفهم ولا على بالي، وحصتي ماسكة أيدي وبترجف"وأنا كمان".. وما ألاقي غير الرئيس تبعهم ينط ويقوللي: ماذا تفعل هنا أيها الغريب؟؟؟ قالها واتطلّع بساعته الـ Swatsh الرياضية أنا جحرته بنظره ينقّط منها الشرر "مش الدمع" ومن انت حتى تتكلم معي هكذا؟؟؟ عطيني هويتك إذا كنت بحث جنائي أو أمن...

الكل بعرف انو عيد الأضحى مربوط باللحمه والخرفان.. والكل قبل يوم العيد بضلو صايم عشان ياكل قد ما يقدر من اللحمه ثاني يوم بس الغريبه يا جماعه انو الناس تركت الهدف الرئيسي من هالعيد وصارت تعتبر هالعيد بس لأكل اللحمه، وانا اليوم راح اكتب عن المراحل اللي بقضو فيها الناس هالعيد: المرحله الأولى: 1. الخروج من صلاة العيد والبحث عن شخص يمكنه ذبح ال...

  بسم الله الرحمن الرحيم كل واحد فيكم اكيد كان بالمدرسة او لساته بالمدرسة و مر او بمر بمعاناة المدرسة المتعبة(الدراسة-الصحيان بدري -الواجبات................ خلينا نبدا...   1)المرحلة الاولى   الصحيان بدري: :كل يوم الواحد يصحى علشان يروح عالمدرسة طبعا اكيد بكون مو طايق حدا ولا بدو يشوف حدا وتمه بفتح 360درجة من النعس...

طبعا بما اني موظف خدمة عملاء في احدى شركات الاتصالات عنا هون بالاردن وكل يوم بحكي معي عدد كبير من الناس يعني بمر علََيْ اشكال الوان طبعا منهم الفهمان,المثقف,النغش,الحكواتي ,الرايق,المتصنع,الفايع,الحدق واللي فاقد حنان اهله, و ابناء الجاليات الخ الخ الخ , طبعا انا بحكم وظيفتي اللي بحبها لازم اساعد الجميع واوصل المعلومه بالطريقه المناسبه حسب مخ كل واحد فيهم.....ما بدي اطول عليكم وحاب" أسلخ هند " و أسلط الضوء على "بعض" العينات اللي بتسولف معي :

أزهقت ... قرفت .. مت من الجوع ..والله حراااااااااااام ... كل العالم بوكلو وانا بتفرج .. ماضل برنامج ريجيم ولا رَجيم غير وماجربتو .. من حمية السلطه الخضرا لشوربة الملفوف .. للخضار السوتيه ...للللللللللللللللل... ..........والمشكله مافي فايده !! ....بهذه العبارات الحرى أستهلت صبحيه حديثها في حين فرت منها الا شوي.. دمعة طايشه ..لا مكان لها من الأعراب ,, .الا انها هالمشحره مقهوره من حالها .. ونفسها تنزل وزنها أبو 50 كيلو " عالأقل" .

مرحبا يا جماعة هادي أول مشاركةإلي أول شي بدي أكتب عنه البلاوي اللي بشوفها وأنا رايحة على شغلي خاصة وأنا راكبة الباص اللي باتجاه شغلي 1) شو بالنسبة للكنترول اللي إزا بتشوف إصبعه الصغير لازم يكون مربي إضفرو نص متر وما بنضفه إلا بالشهر مرة 2)

  كان يا مكان في قديم الزمان. كان في واحد إسمه طارق "يعني أنا" .. وقتها كنت بالصف الاول الثانوي علمي "ب" كنا بمدرسة أشبه بإصلاحية بس الإشي اللي بيفرقها عن الإصلاحيات إنه كان في عندنا باصات أورانج "لنقل الطلاب"، اللي بيكون مكتوب عليها من ورا : انتبه باص طلاب . بس انا لحد الآن مش عارف ليش بيكتبوا عليها هيك !! يعني أكيد السائق اللي ورا الباص رح يعرف إنه هذا باص طلاب. مش "دبابة" مثلاً .. إلا في حالة انه السائق يكون أحول أو سكران

يعني انكتب كتير عن سواقين التكاسي , وكتير عالم وصفوهم ...  بس انا كمان حاب افش غلي واحكي انواعهم .. سواقين التكاسي مهما اختلف شخصياتهم بتلاقيهم كلهم بحاولو يخففو دم ومابزبط معهم .. كلهم بعملو حالهم نخونجية , وجيرة الله عليك خلي هالتوصيلة علينا .. ولما توصل وتحاسبه عالعداد لو كان عدادك دينار وقرشين , ودفعتله دينار بس , بقلك حبيبي وين؟ .. هات قرشين ! . و كتير شغلات مشتركه بينهم .. بس في شغلات بتميز فيها واحد عن التاني .. وانا حاب احكيلهم ست انواع لشوفرية التكاسي ..