وراء كل رجل عريط امرأة - الجزء الثاني

08.10.08

الحلقة ال ثانية - الكاتب: محمد المغربي

ايه اه والله ماوكلي !! والله ومافي دقيقة الا لقيته نازل من الشجرة وصار يشمشم فييه!!

انا:شو في مالك بتشمشم؟؟؟

ماوكلي:انت من وين الله يحيك؟؟!!! و منو اللي جابك عندنا؟؟!!!

انا: ايه ..ايه..انا شب انسان كنت ماشي و ما لقيت حالي الا هون...

ماوكلي:هاذي السوالف ما بتخرط بمخي......فتشووووووا!!

"والله و ما حسيت الا جوز قرود ماسكين جهاز بشبه الموزه وخلوني اطلع الموبايل والمفاتيح وصارو يفتشوا فييه"

القرود:ما لقينا اشي سيدي

ماوكلي : طب تعال جاي لهون تعال ...شو قصتك !!!

انا: والله يا ابن الحلال كل قصتي اني مشلف من كابووس عايش فيه ...انا زلمة طفران وكل ما ازبط وحدة بتحلقلي بعد ما تعرف حقيقتي وقلت بهرب لمكان بعيد

بس ما توقعت الاقيك هون لانو حسب علمي قالو انك لقيت اهلك اللي زتوك على باب جامع وانك هسة فاتح منجرة على اوستراد الزرقاء !!!!

ماوكلي : لا والله لا لقيت اهلي ولا اشي ...هاذي اشاعات يا زلمة...اسمع !! قوووم قووم روق و هدي بالك خلينا نكمل جيم هالشدة ...

انا: بس....بس بدي ارجع لاهلي بلاش يبنشر معهم الخلفي لانو عليه كوشوك نص عمر...

ماوكلي: شو يبنشر هاد وشو كوشوك؟؟؟؟ يا زلمة قووووم...

"والله وقمت ولعبنا تركس يهودية انا و ماوكلي والزرافة وطبعا الزرافة بتلعب من تحت ...ويااااا الله شو انو ماوكلي قزز هالسناجب اللي بشتغلو بالشجرة كل دقيقة ولا هو باعت ورا هالسنجاب((واحد عصير قرنبيط)) ((واحد ارقيلة)) ...حتى الغوريلا اللي بترقص جننها ...بس ماوكلي زلمة نخونجي وطيب وانا بصراحة حبيته...والله واحنا بنلعب ولا كنغر قعد عالبار ومدمر ...

ماوكلي :ابو الزووز مش هاد خلف الكنغر؟؟؟

الزرافة:اه والله ايييه خلينا نشوف شو مالو ؟؟؟شكلها فاقعا معاه معقول قرقعونة خانتو مع ابن اوى

ماوكلي :قومو قومو خلينا نشووف شو فيه...

" وقمنا عند الكنغروبعد ما سلمنا عليه وتباوسنا"

ماوكلي:شو فيه يا خلف مالك؟؟؟

الكنغر:ايييييه ايييييييييه

الزرافة: خير يا زلمه؟؟خوفتنا !!!

الكنغر: كنت ماشي يا ماوكلي بالغابة اجا باقيرا بمزح معي حطلي رجل ولا انا وتشنكل بالشجرة وانفرطت الجيبة ووقع الولد ومش عارف شو اعمل كيف ارقعها ؟؟؟؟

الزرافة:طيب و شو صار بالولد؟؟؟!!!

الكنغر :هسة مش مشكلة الولد انتا قول كيف بدي اشتغل وين بدي احط الفراطة...شوفير الحمار الوحشي كحشني وقلي كيف بدي اشغلك كنترول والجيبة فارطة...

"لما شوفت هيك حزنت على الكنغر وبديت احس انو مش بس احنا بحياتنا مشاكل لأ حتى الحيوانات مش مرتاحين ...ودليت الكنغر على خياط برقعلو الجيبة او انو يفصلو جيبة adibbas تقليد يسلك عليها ..

"خففنا عالغنغر شوي واجيت بدي اراوح ...ماوكلي ما قبل اروح الا لما يعشيني ...وانا استحيت بس صار عندي حب فضول اعرف اكتر عن ماوكلي وعن حياته ورحت معاه على بيتو و ترى بيتو مو بعيد يعني سبعة كيلوتقريبا المهم دخلنا فيها جوا الغابة جوا ولقيت العجايييييب... شفت ليلى والذئب وطلع الذئب هندي و اجيت بدي ادعس عالسنافر لولا ما الله ستر واحد منهم دخل بمنخاري والتاني لقيتو بالبوط لما وصلت على بيت ماوكلي....

" وصلنا على بيت ماوكلي دق ماوكلي عالباب فتحت لالا و لابسة قميص نوم..

ماوكلي :اتستري يا حرمة ..

لالا:ليش اتئخرت حبيبي خف عئلي عليك...و مين هاد اللي معك؟؟؟

طبعا انا صرت احط بذمتي وصرت افكر غلط ايييييييييه الله يلعن ابو الانسان كيف تفكيرو عاطل ...لانو طلع ماوكلي متجوز لالا بالحلقة الاخيرة ..المهم دخلنا على غرفة الضيوف "هون تطلعت على اربع سنافر " ورشيتهم ب بيف باف وماتو

وطبختلنا لالا "فريسة على قدامها" وجنمها "بطريق محشي " بس انا ما عجبني البطريق لانو مجمد بتعرفو الانسان بحب البلدي...!!!وبعد ما اكلنا قعدنا نسولف انا وماوكلي للصبح...ونسيت اهلي والسيفيا وكل الدنيا لاني حبيت ماوكلي وماوكلي حبني و بلش يقنعني اعيش بالغابة وبلش يفهمني اني عشان ازبط بنات هون لازم اتحول لذئب وانو لالا ما قبلت فيه الا لانو قلب ذئب ...

ومرت الايام وعشت عند ماوكلي واتعرفت على شباب الغابة ...

ودلني ماوكلي على مدرسة الحربايات قلنا يمكن ازبطلي هسة حرباي عبين ما اصير ذئب ...وصرت كل يوم اتصرمح هناك واحمل معي لفة عشب احتياط عشان اذا شبكت معي حرباي رايحة جاي اقدمها هدية وبيوم من الايام ....قبعت معي وقلت خلص اليوم بدي ازبط والله و شمطلي بلوزة ورقة عنب و سلخت شعري كوكو وركبت هالفيل وقلت يا الله على مدرسة الحربايات ..

ولما وصلت...!!!!

كل الحربابات: وااااو شو هاااد...شوفي فيلو شو يجنن هاد الفيل بخرطوميين 2008..يااايي هادا استايلي .."ومن هالحكي طبعا انا شوفت حالي كتييير وقلت بعقلي والله و شبكت معك يا ابو حميييد وبهذه الاثناء طرقت عيني على حرباي شقرة قاعدة لحالها وكأنها مستحية عجبتني كتيير و قلت بدي اتعرف عليها