اكتر 9 شغلات بكرههم بالفيس بوك

2: انا كتير تقيل دم .. بدي ادحش حالي بينكم

لما اعمل جروب للمكان الي عايش فيه , او دارس فيه .. ومثلا عملت مرة جروب للكلية الي كنت ادرس فيها بالجامعة , مشان اجمع الناس الي بعرفهم وبحبهم , وفعلا عملت الجروب وبلشو الناس يدخلو , فجأة بصير في عنا 100 عضو , انا بدخل اشوف بروفايلاتهم وصورهم , طبعا مانا مشتاقلهم ... بفتح على all members ولا واحد بعرفو , الي من السعودية والي من الكويت .. والي بدرس الزرقا الاهلية أو جامعة الملك فهد بالسعودية وجامعة ام درمان بالسودان , وتخيلو مرة دخل على الجروب واحد من جامعة الدوبرداشي بموريتانيا .. وداخل عالجروب ليه مابعرف ..
وفي ناس مو مبين هم من وين .. بقول يمكن هدول كانو يدرسو معي بنفس الكلية او عالاقل بنفس الجامعة .. خليني اشوف صورهم بركي بعرف حدا منهم ..بفتح كل الصور .. ولا حدا بعرفو .. وبلاقي صورة وحدة بعرفها .. بقول يا الله هاد وين شايفه؟ .. اكيد هاد واحد من صحابي القدام لازم اتزكر وين شايفه ومين هو؟ .... وبعد تدقيق وتحميص لساعات , بكتشف بالاخير انها صورة لتامر حسني ..
يعني بأختصار , طلعو كل الي بجروب الحقوق .. عالم ما الهم علاقة لا بالحقوق ولا بالجامعة الي كنت فيها؟ .. طب بالله عليكم .. ليه دخلتو؟؟

3: صحبة الطفولة .. تدوم وتدوم

لما يضيفني واحد كنت اعرفه بالصف الرابع ج , ويضل ساعه يزكرني بحالو والمواقف الي كنا انا وياه نعملها , وكيف كنا بعد الحصة الخامسة نهرب مع بعض من المدرسة , وكيف كان استاز الرياضيات كل ما يدخل عالحصة يخليني امسح اللوح .. ويقلي عن الطوش الي كنت اكل فيها قتلة بالفرصة وتحديدا على شباك المقصف... يعني بأختصار برجعني لورا 15 سنة لذكريات مو بس مش متذكرها .. لأ كمان مش حاب اتذكرها ..
وانا بصراحة مش عارف شو اقلو .. بس والله ناسيه .. وزهقان منو .. وبنفس الوقت مش عارف كيف اخليه يحل عني 

  4: هيه ياولد .. ترا مالك الا عيال عمك .. هذول عزوتك

انا علاقتي مع ابناء عيلتي مش زيادة .. يعني حتى ولاد عمي ما بشوفهم الا بالاعياد , بس كل فترة بجيني طلبات للأضافة بالعشرات من شباب من نفس عيلتي .. وبصيرو بدهم يضربو معي صحبة بحكم اسم العيلة الي بجمعنا سوى
لأ والمصيبة انه بصير بدو يتعرف عليك شخصيا ويطلع ويجي معك , طيب انا اعز صحابي بزهق لما اطلع معهم , بدي اطلع مع واحد غريب؟ 

5: فاجئ صاحبك بأشنع صورة

لما أتصور مشان انزل الصور للفيس بوك , بدون مبالغه بعيد الصورة 20 مرة مشان ازبط البوز تبعي وتطلع الصورة حلوة
ومرة اغمض عيوني واميل حواجبي , ومرة تانية افتح شفايفي بمقدار 13.5% , ومرة تالته بعطيها ايد على خدي , وبحط بوكيه ورد وراي .. او شجرة كاملة .. وبستعير نضارات rayban فايعه من صاحبي مشان اتصور فيها .. هاد كلو مشان تطلع الصورة حلوة وانزلها عالفيس بوك
بالاخير بيجي واحد سقع وزنخ من صحابي بعملي tag على صورة الي وانا باكل منسف وكل تمي لبن .. او وأنا صاحي من النوم جديد وعيوني منفخة او اي موقف بكون فيه عامل بحالي اشي اهبل  .. وشكلي زي العمى ..
والمصيبة بحظي بنزلها بيوم انا مابشبك فيه نت , وتاني يوم بدخل بلاقي كل البنات تاركين كل الصور القديمة الحلوة .. وحاطين كومنت على الصورة الجديدة البشعه

6:حرّاقة الكروت .. الله لا يوفقها

لما أسوق فيها الشب العزّابي الي مش مصاحب ولا بحب .. والشب الي عنده مبدأ انو لا للبنات لا للحب .. ( بتعرفو هاد الاسلوب ) , وفجأة بدون سابق انذار تدخل علي وحدة كنت اعرفها قبل 4 سنين , ايام ما كنت اعرف بنات بالمرة الا امي و أختي ,, وهي اول بنت بتعرف عليها طبعا بدي اقلها بحبك حتى لو كان شكلها زي الشبشب (بعيد عن السامعين) ماهي اول بنت بتعطيني عين !.. بس اكيد شهر بس وبتركها ... وتيجي هاي المجنونة بعد اربع سنين تيجي تكتبلي الwall قدام كل الناس: (tetzakr awl ma t3rfna 3la b3ad o 3zmtni 3la el7da2eq ? .. I love you babe and miss you sooo much mwaah ) ..
الله لا يوفقك حرقتيلي كرتي قدام البنات

لما انزل على الدكانة اشتري شيبس ليز على طعم المالح .. وعلبة ببسي .. والاقي شباب واقفين على باب المحل .. بحكم الجيرة بسلم عليهم وبقلهم ( مرحبا شباب ) .. بروح عالبيت بقعد عالنت بشيك ايميلي والفيس بوك تبعي... بلاقي واحد من الشباب الي سلمت عليهم عاملي add و باعتلي رسالة .. ( اييييييييش ابو شريك كيفك ؟ .. والله فرصة حلوة لقيناك عالفيس بوك .. يالله هات احكيلي شو عامل انت؟.. سمعت اخر نكته؟؟؟؟؟ )
وببلش يرغي معي بالحكي .. ويطق حنك .. و بدو يصير صاحبي بالغصب .. مع العلم اني بس مرة سلمت عليه .. بس خلص الفيس بوك بخلي حتى الي مافي بينك وبينه غير نظرات يعملك add .. وهات لحق على عالم..

8:امتحانات الفيس بوك .. ( اسئلة متوقعه لعام 2008-2009)

9:كبيّبة بلا , بدي اضيفك غصب عنك